मी मराठी माणूस

आज १४ जानेवारी, मकर संक्रांत, आज संक्रमणाचा दिवस.
भारतात आता खर्‍या अर्थाने राजकीय संक्रमण सुरू झालेले आहे. मागील विधानसभा निवडणुकीत आम आदमी पक्षाला दिल्लीत सत्ता मिळाली, आणि मला वाटते आता राजकीय संक्रमण सुरू झाले आहे.
कॉंग्रेस पक्षाने आजपर्यंत खूप देशाचे नुकसान केले, आणि आता त्यांच्यावरच संक्रांत आली आहे. सर्व सामान्य जनता महागाईत होरपळून निघत आहे. आधार कार्डाचे भूत डोक्यावर ठेवले आहे.
गॅस साठी पहिल्यांदा पूर्ण पैसे साधारण १००० पर्यंत द्यायचे आणि नंतर ते अनुदानाचे पैसे बॅंकेतून परत घ्यायचे. गरीब माणसाने प्रथम एवढे पैसे कोठून आणायचे याचा विचार नाहीच.  किती किती समस्या करून ठेवल्यात या पक्षाने.
असो पण आता वेळ आली आहे, संक्रमण करण्याची आणि आता खर्‍या अर्थाने तिळगूळ वाटायचेत ते एप्रिल मधील लोकसभा निवडणूक झाल्यावरच.
पुन्हा एकदा तिलगूळ घ्या गोड बोला.

खूप दिवस झाले, मी ब्लॉग लिहीला नाही, पण आता भारतातील घटना पाहून वाटू लागले कांहीतरी लिहावे.
आता २०१४ साली लोकसभा निवडणूका आल्यात तेव्हा सर्वच पक्षांची लगीनघाई सुरू  झालेली.
पण काहीतरी झाले आणि  एका नवीन माणसाने क्रांती घडवून आणली, आणि भल्याभल्यांची दातखीळ बसली, तो गृहस्थ म्हणजे अरविंद केजरीवाल.
दिल्लीत त्याने जो चमत्कार करून दाखवला, खरंच राजकारणाची त्याने भाषाच बदलून टाकली. जी आश्वासने दिली, ती पूर्ण करण्याचे वचन पाळले. दुसर्‍या राज्यातील सरकारांना देखील आपली समीकरणे बदलावी लागतील.

आज लोकांना त्यांच्यातील आणि त्यांची दुःखे समजून घेणारा कोणीतरी पाहिजे, तोच त्यांचा देवदूत असतो.
बघू यात काय होते ते, आज एवढेच पुरे.